Semana Santa de Pontevedra

A Semana Santa en Pontevedra remóntase ao século XV, prevalecendo estas celebracións ata entrado o século XX, só que desde 1934, unicamente perviviu a Procesión do Santo Enterro posto que o resto de Procesións que conformaron o antigo cerimonial da Semana Santa pontevedresa foron suprimidas aos poucos. Nesta situación chegouse ata o ano 1948, e tras a Semana Santa dese ano foi cando o sacerdote e artista pontevedrés Luis Pintos Fonseca, xestou a iniciativa de restaurar as antigas celebracións con todo o seu esplendor. Nacía nese momento a restauración da Semana Santa de Pontevedra, que no ano 1949 saíu por vez primeira á rúa, e fundáronse dúas Cofradías. Cando en 1949 comezou o proceso de restauración da Semana Santa, foi preciso constituír un corpo que reunise a todos os colectivos implicados nesta tarefa, nacendo así a Xunta Coordinadora das Confrarías Penitenciais da Semana Santa de Pontevedra, a cal se encarga de organizar e coordinar as celebracións da Semana Santa