Mirador de A Esculca

Esculca  vén do latín  Auscultar e significa observar atentamente ou tratar de decubrir ou saber algo, isto podería gardar relación con este lugar,  xa que desde o monte da Esculca divísase gran parte das Rías Baixas. No alto do miradoiro atópase a Cruz de Santiago de máis de sete metros de altura, construída en 1950, a cargo do canteiro Cesáreo Sanmartín, a petición do alcalde Xosé María Massó García. Colocada no lugar en 1954 aproveitando a visita do cardeal Quiroga, nun principio foi pensada para albergar un faro e nela pódense apreciar as canles nos seus brazos. A súa forma de espada de Santiago foi montada por partes incrustadas nun ferro sobre un pedestal natural formado por unha gran roca. No medio da cruz existe unha cuncha de vieira e diante un pequeno altar que se utiliza na festa celebrada aquí o 25 de xullo con motivo da celebración de Santiago Apóstolo