Cruceiro del Adro de la iglesia de Tourón

O cruceiro está sobre unha plataforma cadrada de dous banzos que ten acceso polo catro lados, ben feitos e reparados con cemento polas roturas.  O pedestal, cúbico e dun só bloque, ten as arestas superiores matadas. Na cara da fronte podemos ver unha caveira con dúas mornas cruzadas, toscamente traballadas. Na cara posterior, podemos ver a data de realización ano 1670. A columna é octogonal desde a base, con algúns danos na superficie. Na parte que mira á igrexa presenta un santo traballado no mesmo bloque, que descansa nunha pequena peana prismática, aínda que con restos de pintura granate en varias partes.  O capitel empeza cun anel circular. En cada unha das esquinas vemos unha voluta moi traballada, e nas caras unha cabecita de anxo. O ábaco, de lados lixeiramente curvos e con esquinas en chaflán. A cruz é de sección rectangular, con arestas lixeiramente matadas, brazos longos e testero pequeno, terminado nunha cartela coas letras de INRI. A imaxe do Cristo, dun gran realismo, está totalmente pegada á cruz.  A Piedade, debuxada por Castelao no seu libro "As cruces de pedra na Galiza", está sentada con Cristo no colo